August 14, 2017

KARIBU THE MSANII ARTIST

-Tuna Print T-Shirt,Kuuza na Kuchapa kwa Mashine(Aina zote za T-shirt)Nguo za shule na Vifaa vya Michezo..

-Tunachora na Kuandika Mabango aina zote.

-Tunatengeneza mawe ya msingi,Ufunguzi na Uzinduzi aina zote na za kisasa.

-Tunatengeneza nembo na kutoa mafunzo ya sanaa za mikono kwa mtu mmoja mmoja.

Kauli mbiu yetu kuelekea Tanzania ya Viwanda "Fanya Kazi nasi,Epuka Vishoka"

Tunapatikana Geita Mjini Mtaa wa NMB kona ya kuelekea Hospitali ya Mkoa, na Kasulu tupo mtaa wa Mahwenyi karibu na Neema Guest House


Kwa mawasiliano zaidi....0756 54 40 01/ 0784 544 001 na 0754 676 830. Huduma zetu zinaweza kukufikia popote ulipo.
    Wote Mnakaribishwa



                            www.ngarakwetu.blogspot.com

June 30, 2017

Ujenzi wa Vyumba vya Madarasa,Mabweni na Matundu ya vyoo




Mbunge wa jimbo la Ngara Alex R.Gashaza akikagua ujenzi wa Vyumba vya Madarasa,Mabweni na matundu ya Vyoo katika Shule ya Sekondari Murusagamba.
Picha na Issa Kazimoto-Dereva wa Mbunge

www.ngarakwetu.blogspot.com

Mbunge wa Ngara,atoa vifaa vya Michezo

Mbunge wa jimbo la Ngara Alex R.Gashaza ameta Vifaa vya michezo ikiwemo mipira na Jezi kwa wachezaji wa timu 78 zilizoshiriki ligi yake maarufu kama Gashaza Cup mzunguko wa vijiji,kuelekea kata na sasa hatua inayofuata ni tarafa kutafuta mshindi wa wilaya.
Picha na Issa Kazimoto,dereva wa Mbunge





Pichani,Mbunge wa jimbo la Ngara Alex Gashaza katika matukio tofauti ya kukabidhi vifaa vya Michezo.
www.ngarakwetu.blogspot.com

June 25, 2017

UZINDUZI WA DAYOSISI BIHARAMULO,ASKOFU WA KWANZA VITHALIS YUSUPH SUNZU




Askofu Mkuu wa Kanisa la Anglikan Tanzania Dk.Jacob Chimeledya ametaka serikali kufanya marekebisho  baadhi ya sheria ambazo zimekuwa kandamizi kwa jamii pamoja na kuiangazia upya  mikataba yote inayohusu rasimimali za umma yakiwemo madini ili ziwe na manufaa kwa wananchi.

Askofu Chimeledya ametoa kauli hiyo  kwenye ibada ya kuzindua dayosisi Mpya ya Biharamulo na kuwekwa Wakfu kwa Askofu wa kwanza wa Dayosisi hiyo Askofu Vithalis Yusuph.

Bila kutaja sheria husika ,Alisema baadhi ya sheria zikiwemo sheria paamoja na mikataba iliyoingiwa na serikali inaumiza wananchi na hivyo ifaa ifanyiwe marekebisho ili rasilimali hizo ziwanufaishe wananchi.

Alisema Tanzania bado ina mikataba mibovu hasa katika sekta ya madini kwani rasilimali hizo haziwanufaishi wananchi kama zilivyotolewa na mwenyezi Mungu kwa ajili wanadamu.

Alishauri serikali kuwa, kama kuna mikataba iliyoingiwa ni mibovu heri ikafanyiwa marebisho kuliko kuendelea kupoteza rasilimali nyingi za watanzania kwa manufaa ya watu wachache.

Aidha kusuhu sheia za mwanamke Askofu huyo alisema katika sheria nyingine mbovu ni sheria ya motto hasa wa kike ambapo baadi yake zimekuwa kandamizi kwa motto wa kike kwani zimekuwa hazimlindi mtoto wa kike katika mazingira ya leo na hivyo kuwa kandamizi kwake.

“Tunaomba sheria zirekebishwe zikiwemo za kulinda haki za mtoto wa kike katika mazingira ya leo.Tunaona baadhi ya sheria haziendani kabisa na utu wa kibinadamu na zimekandamizi kwa mtoto hasa wa kike”alisema Askofu.

Hata hivyo,alisema kanisa linaunga mkono juhudi za serikali inayoongozwa na Rais John Pombe Magufu katika kupigania rasilimali za nchi yakiwemo madini,na kuongeza kuwa kanisa litaendelea kumuombea.

“Tunatambua kazi nzuri zinazofanywa na rais Wetu Magufuli za kupigania rasimali za nchi,lakini cha msingi tunaomba kasoro zilizopo kwenye mikataba ya madini na sheria zingine mbovu zifanyiwe marekebisho…zipo kanuni nyingi ambazo zimetumifika hapa tulip oleo”alisema Askofu.

Aidha,Askofu wa Dayosisi ya Biharamulo katika Hotuba yake mara baada ya kusimikwa kuwa Askofu wa Dayosisi hiyo ya 28,alisema Watanzania walio wengi wanaishi katika mazingira magumu na ili kuondokana na hali hiyo Viongozi wa dini na serikali wana wajibu wa  kuwahudumia wananchi kwa ushirikiano.

Katika kuonyesha kukerwa na tabia za utumikishwaji wa watoto,Askofu Yusuph alisema, kanisa la Angilikani Dayosisi ya Biharamulo halitakubali kuona motto anatumikishwa katika ajira hatarini za migodini,kwenye migahawa na kuchunga mifugo.

Akizungumzia changamoto za wananchi wa Biharamulo mbele ya Mgeni Rasim Kaimu Mkuu wa Mkoa wa Kagera Meja Jenerali Mstaafu Ezekiel Kyunga,alisema wakazi wa wilaya hiyo wanakabiliwa na tatizo la upatikanaji wa huduma ya maji safi na salama.

Alisema kutokana na hali hiyo baadhi yao wamekuwa wakishinda usiku wamanane wakitafuta huduma ya maji sehemu mbalimbali na hata maji wanayotumia hayako salama kwa ajili ya Afya zao.

Aliongeza kuwa kanisa litashirikiana na serikali kuhakikisha huduma ya maji safi na salama kutoka Ziwa Victoria inapatikana kwani kanisa hilo linatambua juhudi za serikali za kuwaletea wananchi maendeleo.

Kwa upande wake Mgeni Rasmi Ezekiel Kyunga ambaye pia ni Mkuu wa mkoa wa Geita aliyemwakilisha Rais wa John Pombe Magufuli katika Hafla hiyo alisema,serikali itahakikisha inashughulikia kero za wananchi na kuwataka viongozi wa dini kutoa ushirikiano katika mkakati wa serikali ya awamu ya tano ya kuwaletea wananchi maendeleo.

Amewataka vongozi dini kuhakikisha wanatumia nafasi zao katika kueneza injili ili kuwa Taifa lenye kumpendeza Mungu na kupunguza uharifu unaojitokeza.

Kuhusu maji,alisema serikali iko tayari kushirikiana na kanisa hilo kuhakikisha wananchi wa Biharamulo wanapa huduma ya maji safi na salama,na kudai kuwa anatambua juhudi za kanisa hilo kutumia rasilimali fedha kuwahudumia wananchi ikiwemo elimu,Afya na Maji.

Shughuli za kusimikwa kwa Askofu huyo zilifanyikwa kwa kuzingatia miongozo ya kanisa hilo ikiwemo kula kusoma hati mbalimbali za viapo ili kulitumikia kanisa hilo.

Hafla hiyo ilihudhuriwa na Viongozi mbalimbali wa dini kutoka dayosisi za Tanzania viongozi wa serikali wakiwemo wakuu wa wilaya pamoja waumini wa dayosisi za Biharamulo na Kagera.
Mwisho


www.ngarakwetu.blogspot.com

June 21, 2017

Anaandika Dkt.Kigwangala-Naipenda Tanzania Yangu, Nasimama na Rais Wangu

Naipenda Tanzania Yangu, Nasimama na Rais Wangu! 
----------------------------
Na Dkt. Hamisi Kigwangalla 

Kila siku nashuhudia wananchi wenzangu wakikalamika. Natamani kujibu. Naacha. Natamani kuwakumbusha wananchi wenzangu. Naacha. Nasema mbona sisi ni wepesi kusahau? Natamani kuwakumbusha wabunge wenzangu. Naacha. Nasema na mimi sasa nipo kwenye Serikali. Ni mtunga sera, ni mfanya maamuzi, nikisema watasema huyu ni 'Naibu Waziri'. Lakini kiukweli nina hamu na shauku ya kuzungumza na wananchi wenzangu. Nami nitoe yangu ya moyoni. Kama mwananchi mwingine yeyote yule tu. Nina haki hiyo. Na mimi haki yangu inalindwa na katiba na sheria za nchi yetu. 

Leo nimeona acha nipumue kidogo. Niseme. Niuvue userikali wangu. Niseme kama mwananchi mwingine yeyote yule. Nianze kwa kuweka wazi kabisa hapa, kwamba; haya ni yangu. Si ya Serikali.   

Serikali ni ya Rais Magufuli, tumempa dhamana, ndiyo. Hili halibishaniwi. Tumempa kazi, ndiyo. Hili pia halibishaniwi. Lakini kazi hii anaifanyaje?  Tunazijua changamoto anazokumbana nazo? Je, ana nia ya kuzitatua? Ni maswali ambayo yanastahili majibu. Kwenye makala hii nitajaribu kuyafafanua kidogo kwa mtazamo wangu kadri nitakavyojaaliwa.

Pamoja na kumpa dhamana Rais wetu, ni lazima tufahamu kuwa na sisi tuna wajibu wa kutimiza kwa Taifa letu. Tuna kazi ya kufanya kumsaidia Rais wetu kubeba mzigo wa kuleta mapinduzi ya kiuchumi na kijamii kwenye Taifa letu. Tusimuachie huu mzigo peke yake. Tuubebe sote. 

Nchi ina changamoto nyingi sana, siyo kwamba Rais ama Serikali yake haizifahamu ama haina nia ya kuzitatua, ama Rais Magufuli amesinzia, ama anastarehe; kila siku anahangaika kukuna kichwa, usiku na mchana kuzitafutia ufumbuzi. Nadhani hili halina ubishani sana kwa mpenda kweli. Binafsi, sina shaka kabisa juu ya uwepo wa nia thabiti ya kuleta mapinduzi. Sina. 

Kwenye biashara ya kujenga nchi changamoto haziishi siku moja. Ukimaliza moja, nyingine inaibuka, na nyingine zinazaliwa kutokana na majawabu ya changamoto uliyoitatua.  

Juzi juzi hapa nilisema kuhusu mfumo wa afya wa nchi kubwa kama ya Marekani kuwa na changamoto ya kuwabagua watu maskini na wale wa tabaka la kati na kwamba unajenga matabaka makubwa sana yanayowanyima fursa sawa baadhi ya watu kwenye Jamii. Na kwamba ObamaCare inajaribu kutoa majibu yanayolenga kuleta usawa kwa kuwabana wenye kipato cha juu ili kuwahudumia wenye kipato cha chini. Tayari imeonekana kuwa kuna changamoto za kuwakamua zaidi watu wa daraja la kati, badala ya wale wa tabaka la juu kama 'design' na muundo wa awali ulivyolenga, kwa kuwatwisha mzigo wa watu maskini, na kwamba mpango huu kwa baadaye hautohimilika. Bado wanaendelea kubishana! Juzi tumeshuhudia Rais Trump amekwama kwenye jaribio la kuurekebisha. Kazi ya kutatua changamoto ipo na inaendelea kwenye Taifa kubwa la Marekani lenye miaka zaidi ya 200 ya demokrasia. 

Mfano, tazama changamoto mpya iliyokuja na sera ya CCM kutoa elimu bure mpaka kidato cha nne. Tamko hili la kisera limeleta changamoto nyingi za kiutekelezaji. Kwanza, limeleta urahisi kwa familia nyingi kuona hakuna sababu ya watoto wao, hata mmoja, kukosa elimu hii ya msingi. Wakati tunapitisha sera hii hatukujua kuwa kuna watoto wengi kiasi hiki tunachoshuhudia sasa walikuwa wakikosa fursa (missed opportunity) ya elimu kwa sababu ya vigharama vidogo vidogo. 

Tumeondoa gharama hizi tumekutana na ongezeko kubwa la watoto kuandikishwa shule. Mlipuko wa wanafunzi kuingia darasa la kwanza kwenye shule za msingi kwa wingi umezaa changamoto mpya za upungufu wa madawati, vyumba vya madarasa, idadi ya matundu ya vyoo, idadi ya walimu nk.   Wakati tukumbukeni vizuri kuwa juzi tu hapa Serikali ilikuwa inaajiri walimu kwa kipaumbele cha juu kabisa kwa miaka mitano mfululizo, ambapo walimu wote waliohitimu waliajiriwa! 

Uchumi wetu unakua kwa kasi nzuri, kama ni ndege ndiyo inaongeza spidi ili ipate nguvu ya kupaa; bado uchumi hauna uwezo wa kuhimili mahitaji yetu 'yote' ya matumizi ya kila siku kama tunavyotamani, achilia mbali ya kutekeleza miradi mbali mbali ya maendeleo kadri tunavyodiriki kuota ndoto zetu. Mfano: Kwenye ajira bajeti ya watumishi (wage bill) inaongezeka kila siku. Hili tu ni hitajio kubwa na nyeti sana la uchumi wetu. 

Zamani nilipokuwa Mbunge - bila userikali, kilichokuwa kinanikera ni kwamba, pamoja na changamoto tulizonazo watu wengine walikuwa wanaishi kama wako peponi na wengine wanaishi kama wako motoni, hawa wa peponi walifika huko kwa wizi, rushwa, ufisadi, ubadhirifu na matumizi mabaya ya ofisi za umma, siyo kwa uchapakazi wala ubunifu. Tena bila huruma kwa waliokuwa wakiishi kama vile wapo motoni. Huku wakiwa na dhamana ya kuwaondoa motoni wananchi wenzetu waliobaki huko! 

Leo Rais JPM anakosolewa kwa kubana mianya ya rushwa, wizi, ubadhirifu wa mali ya umma, matumizi mabaya ya madaraka na uchumi wa ujanja ujanja, mambo ambayo nakumbuka mimi na wenzangu kwenye bunge la 10 tuliyapigia kelele kwa nguvu sana, tena kwa uzalendo wa hali ya juu na bila hata kuogopa kuwa tunapowashughulikia hawa ndugu wa peponi tunashusha imani ya wananchi kwa chama chetu pia. 

Sisi tuliamini kwamba hawa ni lazima tushughulike nao. Tuwaondoe ili kukisafisha Chama. Tulikuwa wachache sana. Tulipigana kuwaondoa watu wa aina hiyo na tuliwatoa. Na kwa kiasi kikubwa tulimkataa mwanaCCM mwenzetu, Ndg. Edward Lowassa, kwa sababu tuliamini yeye na kundi lake (lilikokuwa kubwa ndani ya CCM) wangeigawana na kuimaliza nchi yetu. Ilihitaji uwe mwendawazimu kumkataa ndugu huyu. Lakini tulikita mguu waziwazi na kumkataa. 

Tulionekana wasaliti wenye kustahili kufukuzwa Chamani. Na wengine tukifikia kufukuzwa Chama na baadhi ya viongozi wapuuzi, wakiamini viongozi wa aina yetu hatukutakiwa, mpaka vikao vya juu vilipopuuzia ndipo tulipona. Tulifika huku sababu kulikuwa na kundi la wachache waliokuwa wanafaidika na mfumo uliokuwepo, hivyo waliona sisi tunachafua maji yao ya kuogelea. Mpaka alipokuja Kanali Kinana na kutupongeza wabunge wa aina yetu akisema, jitengeni na ushenzi wa baadhi ya watu wanaochafua taswira ya Serikali ya Chama chetu ndipo tulipumua. 

Kuna njia mbili tu unaweza kutatua changamoto zinazotukabili nchini kwa 'uhakika'. Nasema kwa uhakika maana ni aibu kubwa kuinjika chungu cha ugali nyumbani kwako na kuwapa wanao uhakika wa ugali kumbe unategemea unga wa kuomba ama kuazima toka kwa jirani! Vipi akikunyima? 

Ukichaguliwa kuwa Rais, una ahadi na dhamana kubwa mabegani mwako, una hamu na shauku kubwa ya kuanza kuzitekeleza, una ndoto nyingi za kutaka kuleta mapinduzi kwenye nchi yako kwa heshima kubwa uliyopewa, unataka kuacha alama isiyofutika! 

Unachungulia hazina unakutana na madeni, mahitaji, utaratibu na masharti; unatazama makusanyo uliyonayo. Unachoka kabisa! Nguvu zinakuisha kabisa. Hamasa yako inavurugwa na uhalisia. 

Unakumbuka ushauri wa wabunge kila siku bungeni - 'tubane matumizi...tukate matumizi yasiyo ya lazima...tuweke kodi hii...ile...Serikali ni dhaifu kwenye kukusanya kodi....tutanue wigo wa kodi....kwa nini Tanzania na utajiri wote huu bado tunategemea misaada kutoka nje kwenye bajeti yetu - mwishowe tutapewa pesa zenye masharti magumu (mambo ya ushoga nk)...tuanzishe mahakama maalum ya mafisadi, nk!'

Unaanza kutekeleza yote haya kama yalivyo - unalaumiwa! Tusiwe wepesi wa kusahau. Tusiwe wanafiki. Ni nani hakuwahi kukerwa na watumishi hewa? Ni nani hakukerwa na safari za nje? Ni nani alilalamika kuhusu uwepo wa uwiano wa bajeti ya matumizi ya kawaida mkubwa kuliko bajeti ya maendeleo? Rais Magufuli toka aingie madarakani, haya ndiyo maswali anayojaribu kuyapatia majawabu. 

Njia za kupata fedha za kutatua changamoto kwa uhakika ni hizi mbili: moja - ubane matumizi, ili unacho-save ukipeleke kwingine kikasaidie kupunguza changamoto zako. Ndicho anachokifanya Rais Magufuli kila siku toka amechaguliwa. Sisi wenye macho ya kizalendo na kiuhalisia tunaona jitihada zake.

Mbili, ukusanye zaidi na ubane mianya ya kuvuja kwa mapato. Ndicho kinachofanyika. Kwa mwaka unaoisha makusanyo ya mapato ya Serikali yamepita malengo. 

Kuna njia nyingine za kupata fedha kwa ajili ya kukidhi mahitaji yetu. Japokuwa haina washabiki wengi na inapigwa vita sana na watunga sheria na wanaharakati mara nyingi. Hii ni ile ya misaada kutoka kwa wafadhili na mikopo (ya ndani na nje). Hizi njia mbili zote zinapigiwa kelele sana sababu; Moja, kwamba itasababisha tupewe pesa zenye masharti magumu tusiyoyaweza, na nyingine, kwamba deni letu linakua sana - mwisho halitohimilika! Njia ya mikopo ya ndani wanasema inaumiza uchumi wetu nk. 

Kwa sasa tunachotakiwa kufanya ni kuongeza uzalishaji ili wigo wa serikali kukusanya kipato chake utanuke zaidi. Na hili si la Rais peke yake, ni letu sote. Kila mtu awe mzalishaji. Shime twende shambani, twende viwandani, twende sokoni! 

Kwangu mimi, kama hali inakuwa ngumu kwetu sote na iwe tu, ili mradi wasiwepo kati yetu wanaofaidika na serikali ya watu huku wengine hawana chakula, hawana dawa, hawana madawati nk. Napenda usawa, haki na uwajibikaji. Namuunga mkono Rais wangu kwa sababu analeta usawa kwa watu wetu. Nasimama na Rais wangu.

Kwangu hili la usawa, haki na uwajibikaji kwa wote ni kubwa sana. Linagusa historia ya machozi, jasho na damu ya makuzi yenye maumivu makali na furaha nyakati nyingine kipindi cha makuzi yangu na watoto wengine wa maskini kwenye Tanzania ya miaka ya 70 na 80. Maana mimi ni zao la mfumo uliotoa haki na usawa kwa wote. Bila Tanzania hiyo mtoto wa maskini kama mimi, hata ningekuwa na bidii na kipaji cha namna gani, nisingefikia kusoma mpaka kuwa Daktari, na hata kufikia kutamani kugombea nafasi ya ubunge. Sitaki kufikiri labda ningekuwa wapi mimi leo! 

Tufanye kazi kwa bidii na maarifa, zama zimebadilika. Hakuna mtu atakayethubutu kutuibia kwenye zama hizi. Walau hili ni la uhakika. 

Na zile kesi za rushwa, wizi wa mali ya umma, matumizi mabaya ya ofisi na ubadhirifu wa mali ya umma sasa zifike kwenye mahakama yake na kesi zikimbie ili tuone haki ikitendeka. 

Huwezi kupanda mchicha ukasubiria ukuwe kwa matarajio ya kuvuna bangi. Tulimpa kura zetu Ndg. Magufuli, mwenye rekodi ya uchapakazi, uaminifu na uadilifu, basi tutarajie uchapakazi, uaminifu na uadilifu; mwenye rekodi ya kuacha alama ya kazi yake, basi ni lazima tutarajie kuona kazi itakayoacha alama. Si vinginevyo.

Tungempa mla rushwa, tungeshuhudia rushwa. Tumevuna tulichopanda. Tumevuna kazi tu. Tutulie tuone kazi. Tuamke tufanye kazi. Tushiriki kujenga Tanzania Tuitakayo. 
___________________________________

Imeandikwa na Dkt. Kigwangalla. Mwandishi ni Mwanafalsafa aliyegeuka kuwa Daktari, Mjasiriamali, Mwanasiasa na Mtunga Sera
www.ngarakwetu.blogspot.com

May 23, 2017

Mbunge Akabidhi GARI LA WAGONJWA

Mbunge wa jimbo la Ngara  Mh.Alex Gashaza  amekabidhi gari la kubeba wagnjwa AMBUANCE ktika  kituo cha afya  Murusagamba



Ni  matumaini yetu sisi www.ngarakwetu.blogspot.com  kuwa Gari hilo litatumika kadiri ya  makusudio ili  kuwa msaada kwa wahitai.  hongera kwa mafanikio.
Picha na Issah Kazimoto

Mkutano wa Mbunge na Madereva Mjini Ngara

Picha za mkutano wa mh.Mbunge wa jimbo la Ngara Alex  Gashaza akizungumza na umoja wa maadereva mjini Ngara, alisikiliza kero zao yakiwemo madai ya kunyanyaswa na askari wa Usalama barabarani
Picha na Issah Kazimoto


www.ngarakwetu.blogspot.com

JIMBO LA NGARA:-Mbnge atoa Mabati Shule ya msingi Kumwuzuza

Mbunge wa jimbo la Ngara Mh.Alex Gashaz atoa msaada  wa  mabati 44 ujenzi wa vyumba vya madarasa katika Shule ya msingi Kumwuzuza


Wananchi wakimsikiliza mbunge

www.ngarakwetu.blogspot.com

May 18, 2017

Habari njema:Ujenzi wa barabara ya Murugarama,Rulenge-Nyakahura

Hivi Karibuni katika vikao vya Bunge,Mh.Alex R.Gashaza Mbunge wa  Jimbo la Ngara aliuliza  swali:-

SWALI

MHE. ALEX R. GASHAZA: Mheshimiwa Naibu Spika, ahsante kwa kunipa nafasi ili niweze kuuliza swali la nyongeza. Naitwa Alex Raphael Gashaza, Mbunge wa Jimbo la Ngara.
Kwa kuwa barabara ya Murugarama – Rulenge – Nyakahura yenye kilometa 85 ni barabara ambayo iliahidiwa na Rais Mstaafu wa Jamhuri ya Muungano wa Tanzania, Mheshimiwa Dkt. Jakaya Mrisho Kikwete mwaka 2008 kwamba itaweza kujengwa kwa kiwango cha lami na miaka miwili iliyopita wananchi wa Jimbo la Ngara walikuwa wakielezwa kwamba tayari upembuzi yakinifu wa barabara hii umeanza.
Naomba kumuuliza Waziri wa Ujenzi, Mawasiliano na Uchukuzi ni lini mkandarasi atakuwepo site kwa ajili ya kuanza ujenzi wa barabara hii? 


MAJIBU

NAIBU WAZIRI WA UJENZI, UCHUKUZI NA MAWASILIANO: Mheshimiwa Naibu Spika, tumepata taarifa kutoka kwa Waziri mwenyewe wa Ujenzi, Uchukuzi na Mawasiliano juu ya upatikanaji wa fedha za kulipa madeni ya wakandarasi, kama jana mlimsikia alisema ni karibu shilingi bilioni 419 zimeshatolewa. Kwa hiyo, katika lile deni la shilingi trilioni 1.268 sasa tumeshuka tuko kwenye shilingi bilioni 800 na zaidi. Naomba kuchukua nafasi hii kumhakikishia Mheshimiwa Mbunge kwamba mara fedha zitakapopatikana kwa mradi huo, barabara yake itashughulikiwa kama ilivyoahidiwa na Mheshimiwa Rais wa Jamhuri ya Muungano wa Tanzania. 
source:http://www.parliament.go.tz
www.ngarakwetu.blogspot.com

Mkutano wa Mbunge,Jimbo la Ngara

Wananchi wa Mjini  Ngara, wakiwa katika Mkutano wa Mh.Mbunge  Alex Gashaza uliofanyika katika uwanja wa Posta ya zamani hivi karibuni. Mikutao kama hiyo ni sehemu ya uwajibikaji wa  viongozi wa  kuchaguliwa wakiwemo madiwani na wabunge ambapo wananchi hupata nafasi ya kuuliza maswa,kutoa hoja na kupewa ufafanuzi wa msuala mbali mbali ya maendeleo.

Blogu hii ya ngarakwetu,inampongeza Mh.Gashaza kwa uwajibikaji kwa wananchi. tunamtakia utekelezaji mwema wa Ilani,na kumuombea uwakilishi mwema kwaajili ya maendeleo ya  wananchi.
Mh.Alex Gashaza Mbunge wa jimbo la Ngara akitoa ufafanuzi,kujibu maswali ya Wananchi na kuzungumza nao katika Uwanja wa Posta ya Zamani mjini Ngara.




sehemu yya meza  kuu,b aadhi ya waheshimiwa madiwani wakifuatiia mkutano wa Mbunge



                         Picha kwa Hisani ya ndugu Isaya,driver wa mh.mbunge. www.ngarakwetu.blogspot.com

April 15, 2017

HABARI NJEMA KWA WAKULIMA WA ZAO LA ALIZETI

Hii ni Fursa kwa wakazi wa mikoa ya Kanda ya ziwa hasa wilaya za Ngara,Karagwe,Biharamulo,Kakonko,Muleba,Chato na Geita. Wito umetolewa kwa wakulima wa zao hilo kuongeza kiwango cha Uzalishaji baada ya Kiwanda cha kukamulia mafuta ya zao hilo kuanza wilayani Karagwe. Kwa mawasiliano zaidi piga simu no. 0768852190


Hii ndiyo Mbegu bora kwaajili ya Mafutta iitwayo (REKODI)

Haya ni Mashudu yanayopatikana baada ya kukamuliwa na mashine. Yanatumika kwaajili ya kulisha Mifugo kama vile Kuku,Ng'ombe,Nguruwe nk...

Shamba la Alizeti
Hii ni fursa,Zao la Alizeti ni Mkombozi kwa Wakulima. Kama una Alizeti tafadhali piga Simu 0768852190

www.ngarakwetu.blogspot.com

April 14, 2017

Rais Magufuli alaani mauaji ya polisi Tanzania

Rai wa Jamhuri ya Muungano wa Tanzania Dkt.John Pombe Magufuli

Barua ya Rais kulaani Mauaji ya Askari
Rais wa Tanzania John Pombe Magufuli amepokea kwa mshtuko na kushutumu mauaji ya polisi wanane wa taifa hilo waliouawa na watu wasiojulikana jioni siku ya Alhamisi.
Katika taarifa kwa vyombo vya habari wanane hao walikuwa wakitoka kubadilishana doria waliposhambuliwa kwa kupigwa risasi katika eneo la Jaribu mpakani mwa wilaya ya Kibiti mkoani Pwani.
Walikuwa wakisafiri kwa gari katika barabara ya Dar es Salaam na Lindi.
Magufuli amelaani tendo hilo na matukio yote ya kuwashambulia polisi akisema wanafanya kazi kubwa ya kuwalinda raia.
Ametuma rambirambi kwa jamaa na marafiki walioguswa na vifo hivyo huku akiwataka raia wote kushirikiana katika kukomesha vitendo kama hivyo.
''Nimeshtushwa na nimesikitishwa sana na vifo vya asakari wetu 8 ambao wamepoteza maisha wakiwa wanalitumikia taifa, naungana na familia za marehemu wote, jeshi la polisi na Watanzania wote katika kipindi hiki kigumu cha huzuni na majonzi ya kuondokewa na vijana wetu shupavu,namuomba mungu atupe myo wa subira ,uvumilivu na ustahimilivu'',alisema rais Magufuli
www.ngarakwetu.blogspot.com

Hospitali Teule ya Sengerema yapewa Msaada

Mganga mkuu wa Hospitali teule wilaya ya Sengerema Sr.Marie Jose akipokea Msaada kutoka kwa Robert Kaseko Mjumbe wa Baraza kuu la umoja wa Vijana wa CCM mkoa wa Arusha 
Watoto 42  wenye umri wa chini ya miaka mitano wamelazwa katika
Hospitali Tuele ya wilaya ya Sengerema mkoani Mwanza kwa tatizo la kukosa Lishe kati ya januari hadi machi mwaka huu na wawili kati yao kufariki  dunia

Hali hiyo imelazimu Hospitali hiyo kutumia zaidi ya shiingi  Laki sita kila mwezi kugharimia Lishe kwa watoto wanaotambuliwa na kulazwa Hospitalini hapo kutokana na wazazi walio wengi kutofahamu kuandaa Lishe na changamoto ya kipato

Hali hiyo imebainishwa na Sista  Marie Jose mganga mfawidhi wa Hospitali hiyo wakati akizungumza na www.ngarakwetu.blogspot.com baada ya kupokea msaada wa Chakula yakiwemo mahindi,maharage,Sukari,mafuta ya kupikia na Sabuni kutoka kwa Robert Kaseko Mjumbe wa Baraza kuu la umoja wa Vijana wa CCM mkoa wa Arusha ambaye ni mzaliwa wa Wilaya ya Sengerema

Akizungumzia hali ya watoto hao, mratibu wa Lishe wilaya ya Sengerema Bi.Rachel Ntogwisangu  amesema changamoto zinazowakabili wananchi ni pamoja na uelewa mdogo wa maandalizi ya Lishe kwa watoto,Uduni wa maisha na wasishana wadogo wanaozalishwa katika umri mdogo.      
www.ngarakwetu.blogspot.com

TANZIA


www.ngarakwetu.blogspot.com

February 14, 2017

ZIARA YA BUNGENI DODOMA

www.ngarakwetu.blogspot.com,imefanya ziara Bungeni Mjini Dodoma kuzungmza na Wabunge,Waziri kuhusu mikakati ya kuboresha Afya,kuondoa Changamoto na kuweka mipango.

Juventus Juvenary

Kutoka Kushoto pd.James Kayanda,Juventus Juvenary wa Radio Kwierza tukizungumza na Mbunge wa Kigoma kaskazini na Kiongozi mkuu wa chama cha ACT Wazalendo,nje ya Bunge Dodoma.

Kushoto ni Pd.James Kayanda,Mratibu wa Kipindi cha Afya yako Haki yako,kati kati ni Dk.Hamis Kigwangala Naibu waziri wa Afya,Jinsia na maendeleo ya watoto akihojiwa na Juventus Juvenary-Bungeni Dododma

Nikiwasili Dodoma-Juventus


Mazungumzo kati ya Juventus Juvenary-Radio Kwizera na Mbunge wa Geita Mjini Costantine John kanyasu-Dodoma

Mazungumzo na Mbunge wa Biharamulo Magharibi Oscar Mukasa-Dodoma

Mazungumzo na Mbunge wa Msalala, Ezekiel Maige Mjini Dodoma

Mazungumzo na Mbunge wa Viti maalum mkoa wa Shinyanga-CHADEMA Salome Makamba,Bungeni Dodoma

Kushoto ni Pd.James Kayanda-Radio Kwizera,katikati ni Oliva Semuguruka Mbunge viti Maalum mkoa wa Kagera CCM, na Juventus Juvenary-Dodoma

Pichani ni Juventus Juvenary,Pd.James Kayanda wa Radio Kwizera,katikati ni Naibu waziri wa habari,Utamaduni na Michezo Anastazia Wambura,Alex mchomvu afisa uzalishaji wa vipindi radio Kwizera na kulia ni Oscar Mukasa Mbunge wa Biharamulo.

Kutoka kushoto ni Alex Mchomvu-Radio Kwizera,Mwenye suti katikati ni Alex Gashaza mbunge wa jimbo la Ngara,Juventus Juvenary na Pd.James kayanda-Radio Kwizera. Picha ilipigwa mjini Dododoma.
Mengi zaidi,Sikiliza kipindi cha Afya yako,haki yaki-Radio Kwizera
                     www.ngarakwetu.blogspot.com

January 30, 2017

WANANCHI WAWACHAPA VIBOKO WALIMU-GEITA

WANANCHI WAWACHAPA VIBOKO WALIMU
GEITA
Walimu wawili wa shule ya Msingi Isabilo iliyopo  kata ya Bugurula wilaya  Geita wamevamiwa na kupigwa kwa fimbo na wananchi waliovamia shule hapo kulipiza kisasi baada ya walimu hao kuwaadhibu kwa viboko wanamfunzi na  mmoja wao kupandisha mapepo

Tukio hilo limetokea  Januari 25 mwaka huu hali iliyopelekea walimu 10 wa shule hiyo kugoma kuingia madarasani kufundisha wakiomba serikali iwahamishe kutoka shuleni hapo kwa madai ya kudhalilishwa na wananchi
Kaimu mkuu wa shule hiyo mwalimu Athuman Augustine amewataja waliopigwa kuwa ni Mwl. Medan Zacharia na Deograss Liston

Akizungumzia na tukio hilo  kwa njia ya Simu afisa elimu msingi wilayani Geita Mwl.Deus Seif amethibitisha kutokea kwa tukio hilo na kuahidi kukutana na kamati ya Shule January 31 mwaka huu ili kutafuta suluhu kati ya walimu na wananchi.                  

Walimu waliopigwa ni Medan Zacharia na Deograsi Listone ambao wamezungumzia hali iliyowakuta kuwa ni ya udhalilishaji na kukatisha tamaa na kwamba tangu kuchapwa hawana tena ari ya kufanya kazi
“Kiukweli inasikitisha sana na mpaka sasa hatuna tena ari ya kazi,na kama inawezekana naomba nihamishwe maana inaonakana kama sina thamani hapa na sijui naponekanaje katika jamii”-alisema mwalimu Medan

Naye Mwl Liston alisema hata kama itaamuliwa warudi kufundisha tayari wanafunzi wao watakuwa wakiwadharau ikizingatiwa kuwa walimu hao hawatakuwa na uwezo wa kudhibiti nidhamu kwa hofu ya kushambuliwa na kupigwa tena


Kaimu Mkuu wa shule Mwl.Athuman Augustine anasema Chanzo cha tukio hilo ni walimu kutoa adhabu ya viboko vitatu kwa kila mwanafunzi ambaye hakwenda kufanya zamu ya usafi wakati wa likizo na ndipo wakati wa utekelezaji wa adhabu hiyo mmoja wa wanafunzi waliopewa adhabu akapandisha mapepo hali iliyowafanya wazazi kughadhabika kuwa huenda hali hiyo imetokana na adhabu

Akizungumzia tukio hilo,Katibu wa Chama cha walimu tanzania CWT wilayani Geita Mwl.John Kafimbi amelaani kitendo kilichofanywa na wananchi akisema ni fedheha na udhalilishaji katika kada ya Ualimu

Aidha,Mwl.Kafimbi amemtaka afisa mtendaji wa Kijiji cha isabilo Bi.Sophia Wiliam kama mlinzi wa amani kuhakikisha wahusika wanachukuliwa hatua za kisheria ili iwe fundisho wa watu wengine wenye nia ya kudhalilisha kada ya ualimu.
www.ngarakwetu.blogspot.com