July 22, 2016

Koffi Olomide akamatwa na kuzuiliwa Nairobi

Koffi Olomide alionekana kumpiga teke mwanamke uwanja wa ndege Nairobi
SOURCE:BBC SWAHILI
Mwanamuziki mashuhuri kutoka Jamhuri ya Kidemokrasia ya Congo Koffi Olomide amekamatwa na kuzuiliwa na maafisa wa polisi katika uwanja wa ndege wa kimataifa wa Jomo Kenyatta.
Olomide amekamatwa muda mfupi baada ya kumaliza mahojiano katika kituo kimoja cha runinga jijini Nairobi.
Mkuu wa polisi nchini Kenya Joseph Boinnet alikuwa ametoa taarifa na kuwaagiza polisi wachukue hatua.
Mwanamuziki huyo alikuwa amekabiliwa na shutuma baada ya kanda ya video kuenea mtandaoni ikionekana kumuonyesha akimshambulia mwanamke uwanja wa ndege wa Jomo Kenyatta Ijumaa asubuhi, muda mfupi baada ya kuwasili.
Mwanamke huyo anadaiwa kuwa mmoja wa wachezaji ngoma wake.
Akiongea katika kituo cha televisheni ya Citizen, muda mfupi kabla ya kukamatwa, Olomide alijitetea na kusema hakukusudia kumshambulia mwanamke huyo.
Alisema alikuwa ameingilia kisa ambacho aliamini ni mtu aliyetaka kumpokonya mmoja wa wachezaji densi wake pochi yake au kulikuwa na vurugu fulani.
Awali, kwenye ujumbe katika ukurasa wake wa Facebook, alisema tukio hilo lilieleweka vibaya.
Image copyrightINTERNET
Alisema alikuwa anajaribu kumtetea mwanamke huyo kwani mmoja wa maafisa wa kike katika uwanja huo wa ndege alikuwa akiwasumbua wasichana hao wachezaji ngoma aliokuwa wakiandamana naye.
Katika video hiyo msichana huyo mchezaji anaonekana kukubaliana naye.
Mwanamuziki huyo, alikuwa amepangiwa kutumbuiza mashabiki katika ukumbi wa Bomas siku ya Jumamosi.
Baada ya kuenea kwa habari kuhusu kisa hicho cha uwanja wa ndege, wengi wa Wakenya wamemshutumu na kutoa wito kwao watu kutohudhuria tamasha hilo na badala yake wakitaka akamatwe.
Wengine kupitia kitambulisha mada #KickKoffiOlomideBackToCongo kwenye Twitter wakipendekeza afurushwe kutoka Kenya.
www.ngarakwetu.blogspot.com

Robert Mugabe apata upinzani


Rais Robert Mugabe na mkewe Grace Mugabe, wakifurahia jambo
SOURCE:BBC SWAHILI
Chama cha askari wa zamani waliopigana vita nchini Zimbabwe, ambao wamekuwa kiungo muhimu katika uongozi wa rais Robert Mugabe na wakati mwingine wamekuwa chanzo cha vurugu kutokana na wanavyomuunga mkono rais huyo.
Ingawa kuna taarifa kutoka nchini Zimbabwe zikiarifu kwamba maveterani hao wameamua kutoa waraka wenye kuonesha msimamo wao kwamba kuanzia sasa hawatamuunga mkono tena rais huyo.
Chama hicho kinamshutumu rais Mugabe kwa tabia zake za kidikteta ,kuongoza kwa matakwa yake, na utawala mbovu ,ingawa haijafahamika wazi mpaka sasa ikiwa askari wote wa zamani wamekubaliana juu ya tamko hilo lililotolewa chini ya mwavuli wa chama.
Siku za hivi karibuni kumekuwa na mkanyiko wa mawazo miongoni mwa wa Zimbabwe kila uchao kutokana na hali mbaya ya kiuchumi inayoikabili nchi hiyo kwa sasa.
Kwa sasa rais Robert Mugabe ana mika tisini na miwili,na kwa baadhi ya vikundi wakati fulani ndani ya uongozi wa chama cha Zanu-PF chama wamehusika katika mfululizo wa mapambano kama hayo ili kuinusuru Zimbabwe.
www.ngarakwetu.blogspot.com

July 19, 2016

NAFASI ZA MASOMO KAHAMA MINERAL TRAINING COLLEGE

                                              KARIBU CHUO CHA MADINI KAHAMA
Wanafunzi wa Chuo Cha Madini-Kahama

Wanachuo wakiwa darasani
CHUO PIA KINAFUNDISHA KOZI YA UDEREVA.
chuo Kipo nyahanga-Kahama,wote mnakaribishwa. kwa mawasiliano zaidi Piga simu namba 0742 52 22 90 au 0789 63 70 20 na 0629 906 218
www.ngarakwetu.blogspot.com

July 16, 2016

MIUNDOMBINU DUNI YA MAJI NA UONDOAJI TAKA NI CHANZO CHANZO CHA KIPINDUPINDU


Mtaalam wa miradi wa UNESCO anayeshughulikia masuala ya maji na makazi  kutoka Paris –Ufaransa Dkt.Alexandros Makarigakis akifungua Mkutano
DAR ES SALAAM
Wizara ya maji na Umwagiliaji imetaja tatizo la  miundombinu bora ya maji na Mifumo ya uondoshaji wa taka katika maeneo mbali mbali kuwa chanzo cha Magonjwa ya mlipuko hasa Kipindupindu ambacho ni changamoto kwa maendeleo ya Taifa

Mkurugenzi wa rasilimali maji katika wizara hiyo Dkt. George Lugomela amesema hayo wakati akitoa taarifa katika Mkutano ulioandaliwa na shirika la maendeleo ya Elimu,Sayansi na Utamaduni UNESCO uliofanyika katika Hoteli ya Protea Jijini Dar Es Salaam

Dkt.Lugomela amesema mkoa wa Dar Es Salaam pekee una  asilimia 10 ya Mfumo wa maji safi na uondoaji wa taka katika mitaa  hali inayokwamisha mapambano dhidi ya ugonjwa wa Kipindupindu

Kwa Upande wake Mtaalam wa miradi wa UNESCO anayeshughulikia masuala ya maji na makazi  kutoka Paris –Ufaransa Bw.Alexandros Makarigakis amesema Shirika hilo limedhamilia kukomesha vifo vitokanavyo na Kipindupindu  kwasababuza  ukosefu wa maji safi na salama ya kunywa, Miundombinu mibovu ya Maji mifumo yake.
Washiriki wakiendelea na Mkutano



www.ngarakwetu.blogspot.com

July 11, 2016

Rais Jacob Zuma ziarani Ufaransa

François Hollande, Rais wa Ufaransa, na Jacob Zuma, mwenzake wa Afrika Kusini, picha iliyopigwa mwaka 2013.
SOURCE:http://sw.rfi.fr/
Rais wa Afrika Kusini Jacob Zuma anaanza, Jumatatu hii, Julai 11, ziara ya kikazi nchini Ufaransa. Rais Zuma atakutana na Rais wa Ufaransa François Hollande Jumatatu hii jioni.
Siku ya Jumanne, viongozi hawa wawili watatembelea katika eneo la Somme kuhudhuria sherehe za miaka mia moja ya vita vya Delville Wood, ambapo zaidi ya askari 3,000 wa Afrika Kusini walikabiliana na askari wa Ujerumani katika Vita Kuu vya Dunia. Kisha viongozi hawa watajadili suala la ushirikiano wa kiuchumi. Ufaransa na Afrika Kusini wanashirikiana kibiashara kwa kiasi kikubwa licha ya mahusiano mara nyingine kudorora.
Afrika Kusini na Ufaransa wana uhusiano mkubwa. Kwa miaka mingi, Paris inaisadia Afrika Kusini, pamoja na soko lenye uwezo mkubwa na kufika hadi kusini mwa Sahara. Lakini upande wa Pretoria, wanapuuzia. ANC, chama tawala tangu mwisho wa ubaguzi wa rangi, kinaendelea na mtazamo kujihami dhidi ya nchi za Magharibi, hasa Ufaransa kinaituhumu kuingilia masuala ya ndani ya nchi za Afrika, kutokana na ushawishi wake nchini Cote d'Ivoire, Madagascar na kuingilia kijeshi nchini Mali.
Hali hii liojitokeza hasa katika uchaguzi wa rais wa Tume ya Umoja wa Afrika. "Ilikuwa inayoonekana katika uchaguzi wa Mwenyekiti wa Tume ya Umoja wa Afrika, miaka 4 iliyopita. Afrika Kusini, katika kampeni yake ya kuunga mkono mgombea wake, ilimshtumu mshindani wake, Jean Ping, raia wa Gabon, kuwa kibaraka wa Ufaransa. Ikiongeza kuwa Ufaransa iliingilia masuala ya ndani nchini Cote d'Ivoire na Mali. Kulikua kila mara na uhusiano mgumu, "anasema Peter Fabricius, mshauri katika Taasisi ya Mafunzo ya Usalama. Kwa mujibu wa Fabricius, Afrika Kusini inaelewa. Afrika Kusini inatambua kwamba Ufaransa inaweza kuwa mshirika muhimu barani Afrika, ikiwa ni pamoja na mshirika wa kiuchumi, ambaye inatakiwa kutopuuziwa.
Matarajio ya uwekezaji wa raia wa Ufaransa
Afrika Kusini inahitaji uwekezaji. Ukuaji unatarajiwa kufikia 0.6 % mwaka huu na mashirika kadhaa binafsi yatishia kupunguza ushirika wao katika kiwangu cha juu. Wanauchumi wanakubaliana na hilo, kwa nchi ina mengi ya kutoa maendeleo katika sekta ya benki, mawasiliano, usafiri, malighafi. Lakini nchi hiyo inahitaji zaidi hisa, anasema Ian Cruickshanks, katika matarajio ya kuondoka kwa Uingereza katika Umoja wa Ulaya.
www.ngarakwetu.blogspot.com

July 10, 2016

Ureno yashinda kombe la Euro2016

Ureno imeishangaza dunia na kuingilia himaya ya timu kubwa za kandanda Ulaya kwa kushinda kombe la Euro 2016 kwa mara ya kwanza katika historia kwa kuwafunga wenyeji Ufaransa 1-0 katika dakika za nyongeza.
Ureno walifanikiwa kupata ushindi huo bila mchezaji wao nyota na nahodha wa timu hiyo ya taifa Cristiano Ronaldo ambaye alilazimika kuondoka uwanjani baada ya kuumia goti katika dakika 25 tu za mwanzo wa mchezo
Wareno walijikusanya vizuri baada ya nahodha wao kuondoka uwanjani na kusaidia na mlinda mlango Rui Patricio ambaye aliokoa magoli mengi langoni kwake. Eder ndio alikuwa nyota wa mechi kwa upande wa Ureno kuipatia timu yake bao la ushindi la zikiwa zimebakia dakika 11 kabla muda wa nyongeza kumalizika.
Hii ni mara ya kwanza kwa Ureno kuifunga Ufaransa ambayo imeshinda mechi zote 10 zilizopita baina yao.
Ureno ilionekana kufika fainali ya Euro 2016 kwa kusua sua huku timu kubwa kama Ujerumani, Spain na Uingereza zikitolewa katika hatua za mwanzo hadi semi fainali. Wachambuzi wengi wa kandanda walidhani Ufaransa ina nafasi nzuri ya kushinda fainali hasa kwa vile inachezea nyumbani lakini hadi kipenga cha mwisho alikuwa nahodha wa Ureno Ronaldo aliyekuwa akibusu kombe la Euro 2016.

www.ngarakwetu.blogspot.com

July 9, 2016

NGARA WANASEMA, KWAHERI CHITANDA,KARIBU LUTENI COL.MICHAEL


PICHA ZOTE KWANIABA YA SHAABAN NASSIB NDYAMUKAMA.

PICHANI:- Kushoto ni Mkuu mpya wa Wilaya ya Ngara Luteni Col Michael Mangwela Mntenjele akikabidiwa Ofisi na aliyekuwa Mkuu wa wilaya hiyo Bi.Honoratha Chitanda.
Nje ya ofisi ya Mkuu wa wilaya. Mkuu wa wilaya ya Ngara wa zamani Bi.Honoratha Chitanda akiagana na Mkuu mpya wa wilaya hiyo Luteni Col Michael Mangwela Mntenjele baada ya Kumkabidhi Ofisi.
Mkuu mpya wa wilaya ya Ngara  Luteni Col Michael Mangwela Mntenjele akisalimiana na Mkuu wa  wa zamani Bi.Honoratha Chitanda mbele ya Kamati ya Ulinzi na Usalama ya wilaya hiyo.
www.ngarakwetu.blogspot.com

July 7, 2016

Orodha ya wakurugenzi walioteuliwa leo na Rais Magufuli

Rais wa Jamhuri ya Muungano wa Tanzania Dkt. John Pombe Magufuli leo July 07 2016 amefanya uteuzi wa wakurugenzi wa halmashauri za majiji 5, Manispaa 21, Miji 22 na Wilaya (DC) 137 za Tanzania Bara.
Uteuzi huo umetangazwa na Katibu Mkuu Ofisi ya Rais, Tawala za Mikoa na Serikali za Mitaa (TAMISEMI) Mhandisi Mussa Iyombe ambapo kati ya wakurugenzi wote 185 walioteuliwa, 65 wameteuliwa kutoka orodha ya wakurugenzi wa zamani na 120 ni wakurugenzi wapya.
Orodha ya wakurugenzi walioteuliwa kulingana na mikoa yao ni kama ifuatavyo;
ARUSHA
⦁ Arusha Jiji – Athumani Juma Kihamia
⦁ Arusha DC – Dkt. Wilson Mahera Charles
⦁ Karatu DC – Banda Kamwande Sonoko
⦁ Longido DC – Jumaa Mohamed Mhiwapijei
⦁ Meru DC – Kazeri Christopher Japhet
⦁ Monduli DC – Stephen Anderson Ulaya
⦁ Ngorongoro DC – Raphael John Siumbu
DAR ES SALAAM
⦁ Dar es salaam Jiji – Siporah Jonathan Liana
⦁ Kinondoni Manispaa – Aron Titus Kagurumjuli
⦁ Temeke Manispaa – Nassibu Bakari Mmbaga
⦁ Ilala Manispaa – Msongela Nitu Palela
⦁ Kigamboni Manispaa – Stephen Edward Katemba
⦁ Ubungo Manispaa – Kayombo Lipesi John
DODOMA
⦁ Dodoma Manispaa – Dkt. Leonard M. Masale
⦁ Kondoa DC – Kibasa Falesy Mohamed
⦁ Kondoa Mji – Khalifa Kondo Mponda
⦁ Mpwapwa DC – Mohamed Ahamed Maje
⦁ Kongwa DC – Mhandisi Ngusa Laurent Izengo
⦁ Chemba DC – Semistatus Hussein Mashimba
⦁ Chamwino DC – Athuman Hamis Masasi
⦁ Bahi DC – Rachel Marcel Chuwa
GEITA
⦁ Bukombe DC – Dionis Maternus Nyinga
⦁ Chato DC – Mhandisi Joel Bahahari
⦁ Geita DC – Ally Abdallah Kidwaka
⦁ Geita Mji – Modest J. Apolinaly
⦁ Mbogwe DC – Mahwago Elias Kayandabila
⦁ Nyang’wale DC – Carlos K. Gwamagobe
IRINGA
⦁ Iringa Manispaa – William Donald Mafwele
⦁ Mafinga Mji – Saada S. Mwaruka
⦁ Mufindi DC – Riziki Salas Shemdoe 
⦁ Iringa DC – Robert Mgendi Magunya
⦁ Kilolo DC – Aloyce Kwezi
KAGERA
⦁ Biharamulo DC – Wende Israel Ng’ahala
⦁ Bukoba DC – Abdulaaziz Jaad Hussein
⦁ Bukoba Manispaa – Makonda Kelvin Stephen
⦁ Karagwe DC – Godwin Moses Kitonka
⦁ Kyerwa DC – Shedrack M. Mhagama
⦁ Missenyi DC – Limbe Berbad Maurice
⦁ Muleba DC – Emmanuel Shelembi Luponya 
⦁ Ngara DC – Aidan John Bahama
KATAVI
⦁ Mlele DC – Alex Revocatus Kagunze
⦁ Mpimbwe DC – Erasto Nehemia Kiwale
⦁ Mpanda DC – Ngalinda Hawamu Ahmada
⦁ Mpanda Manispaa – Michael Francis Nzyungu
⦁ Nsimbo DC – Joachim Jimmy Nchunda
KIGOMA
⦁ Buhigwe DC – Anosta Lazaro Nyamoga 
⦁ Kakonko DC – Lusubilo Joel Mwakabibi
⦁ Kasulu DC – Godfrey Msongwe Masekenya
⦁ Kasulu Mji – Fatina Hussein Laay
⦁ Kigoma Ujiji – Manispaa – Judethadeus Joseph Mboya
⦁ Kigoma DC – Hanji Yusuf Godigodi
⦁ Kibondo DC – Shelembi Felician Manolo
⦁ Uvinza DC – Weja Lutobola Ng’olo
KILIMANJARO
⦁ Manispaa ya Moshi – Michael Nelson Mwandezi
⦁ Hai DC – Yohana Elia Sintoo
⦁ Siha DC – Valerian Mwargwe Juwal
⦁ Same DC – Shija Anaclaire
⦁ Mwanga DC – Golden A. Mgonzo
⦁ Rombo DC – Magreth Longino John 
⦁ Moshi DC – Emalieza Sekwao Chilemeji
LINDI
⦁ Kilwa DC – Bugingo I. N. Zabron
⦁ Lindi DC – Samwel Warioba Gunzar
⦁ Lindi Manispaa – Jomaary Mrisho Satura
⦁ Liwale DC – Justine Joseph Monko
⦁ Nachingwea DC – Bakari Mohamed Bakari
⦁ Ruangwa DC – Andrea Godfrey Chezue
MANYARA
⦁ Babati Mji – Fortunatus Hilario Fwema
⦁ Hanang DC – Bryceson Paul Kibasa
⦁ Mbulu DC – Festi Fungameza Fwema
⦁ Mbulu Mji – Anna Philip Mbogo
⦁ Simanjiro DC – Yefred Edson Myezi
⦁ Kiteto DC – Tamim Kambona
⦁ Babati DC – Hamis Iddi Malinga
MARA
⦁ Manispaa ya Musoma – Fidelica Gabriel Myovela
⦁ Bunda DC – Amos Jeremiah Kusaja
⦁ Bunda Mji – Janeth Peter Mayanja
⦁ Butiama DC – Solomon Kamlule Ngiliule
⦁ Musoma DC – Flora Rajab Yongolo
⦁ Serengeti DC – Juma Hamsini Seph
⦁ Rorya DC – Charles Kitanuru Chacha
⦁ Tarime DC – Apoo Castro Tindwa
⦁ Tarime Mji – Hidaya Adam Usanga
MBEYA
⦁ Busokelo DC – Eston Paul Ngilangwa
⦁ Chunya DC – Sofia Kumbuli
⦁ Kyela DC – Mussa Joseph Mgata
⦁ Mbarali DC – Kivuma Hamis Msangi
⦁ Mbeya DC – Ameichiory Biyengo Josephat
⦁ Mbeya Jiji – Zacharia Nachoa Ntandu
⦁ Rungwe DC – Loema Isaya Peter
SONGWE
⦁ Momba DC – Adrian Jovin Jungu
⦁ Tunduma Mji – Valery Alberth Kwemba
⦁ Mbozi DC – Edna Amulike Mwaigomole
⦁ Ileje DC – Haji Mussa Mnasi
⦁ Songwe DC – Elias Philemon Nawela
MOROGORO
⦁ Gairo DC – Agnes Martin Mkandya
⦁ Kilombero DC – Dennis Lazaro Londo
⦁ Ifakara Mji – Francis Kumba Ndulane
⦁ Kilosa DC – Kessy Juma Mkambala
⦁ Morogoro DC – Sudi Mussa Mpili
⦁ Morogoro Manispaa – John Kulwa Magalula
⦁ Mvomero DC – Florent Laurent Kyombo
⦁ Ulanga DC – Audax Christian Rukonge
⦁ Malinyi DC – Marcelin Rafael Ndimbwa
MTWARA
⦁ Mtwara DC – Omari Juma Kipanga
⦁ Mtwara Mikindani Manispaa – Beatrice Dominic Kwai
⦁ Masasi Mji – Gimbana Emmanuel Ntayo
⦁ Masasi DC – Mkwazu M. Changwa
⦁ Nanyumbu DC – Hamis Hassan Dambaya
⦁ Newala DC – Mussa Mohamed Chimae
⦁ Newala Mji – Andrew Frank Mgaya
⦁ Tandahimba DC – Said Ally Msomoka
⦁ Nanyamba Mji – Oscar Anatory Ng’itu
MWANZA
⦁ Mwanza Jiji – Kiomoni Kibamba Kiburwa
⦁ Ilemela Manispaa – John Paul Wanga
⦁ Kwimba DC – Pendo Anangisye Malabeja
⦁ Magu DC – Lutengano George Mwalwiba
⦁ Misungwi DC – Eliud Leonard Mwaiteleke
⦁ Ukerewe DC – Tumaini Sekwa Shija
⦁ Buchosa DC – Crispian Methew Luanda
⦁ Sengerema DC – Magesa M. Boniphace
NJOMBE
⦁ Njombe Mji – Iluminata Leonald Mwenda
⦁ Makambako Mji – Paul Sostenes Malala
⦁ Makete DC – Francis Emmanuel Namaumbo
⦁ Njombe DC – Monica Peter Kwiluhya
⦁ Ludewa DC – Ng’wilabuzu Ndatwa Ludigija
⦁ Wanging’ombe DC – Amina Mohamed Kiwanuka
PWANI
⦁ Bagamoyo DC – Azimina A. Mbilinyi
⦁ Chalinze DC – Edes Philip Lukoa
⦁ Kibaha DC – Tatu Seleman Kikwete
⦁ Kibaha Mji – Jenifer Christian Omolo
⦁ Kisarawe DC – Mussa L. Gama
⦁ Mafia DC – Erick Mapunda
⦁ Mkuranga DC – Mshamu Ally Munde
⦁ Kibiti DC – Alvera Kigongo Ndabagoye
⦁ Rufiji DC – Salum Rashid Salum
RUKWA
⦁ Kalambo DC – Simon Ngagani Lyamubo
⦁ Sumbawanga DC – Nyangi John Msemakweli
⦁ Sumbawanga Manispaa – Hamid Ahmed Njovu
⦁ Nkasi DC – Julius M. Kaondo
RUVUMA
⦁ Mbinga DC – Gumbo Samanditu Gumbo
⦁ Mbinga Mji – Robert Kadaso Mageni
⦁ Namtumbo DC – Christopher Michael Kilungu
⦁ Nyasa DC – Oscar Albano Mbuzi
⦁ Songea DC – Simon Michael Bulenganija
⦁ Madaba DC – Shafi Kassim Mpenda
⦁ Tunduru DC – Abdallah Hussein Mussa
⦁ Songea Manispaa – Tina Emelye Sekambo
SHINYANGA
⦁ Kishapu DC – Stephen Murimi Magoiga
⦁ Msalala DC – Berege Sales Simon
⦁ Shinyanga DC – Mark Emmanuel Malembeka
⦁ Kahama Mji – Anderson David Msumba
⦁ Shinyanga Manispaa – Lewis Kweyemba Kalinjuna
⦁ Ushetu DC – Michael Augustino Matomola
SIMIYU
⦁ Bariadi DC – Abdallah Mohamed Malela
⦁ Bariadi Mji – Melkizedek Oscar Humbe
⦁ Itilima DC – Mariano Manyingu
⦁ Maswa DC – Fredrick Damas Sagamiko
⦁ Busega DC – Anderson Njiginya
⦁ Meatu DC – Said F. Manoza
SINGIDA
⦁ Ikungi DC – Rustika William Turuka
⦁ Iramba DC – Linno Pius Mwageni
⦁ Mkalama DC – Martin Msuha Mtanda
⦁ Manyoni DC – Charles Edward Fussi
⦁ Itigi DC – Luhende Pius Gerald
⦁ Singida DC – Rashid Mohamed Mandoa
⦁ Singida Manispaa – Kizito L. Brava
TABORA
⦁ Igunga DC – Revocatus Lubigili Kuuli
⦁ Kaliua DC – John Marco Pima
⦁ Nzega DC – Jacob James Mtalitinya
⦁ Nzega Mji – Phillimon Mwita Magesa
⦁ Sikonge DC – Simon Saulo Ngatunga
⦁ Tabora Manispaa – Bosco Addo Ndunguru
⦁ Urambo DC – Magreth Nakainga
⦁ Tabora -Uyui – Hadija Maulid Makuani
TANGA
⦁ Tanga Jiji – Daudi R. Mayeji
⦁ Korogwe DC – George John Nyaronga
⦁ Korogwe Mji – Jumanne Kiangoshauri
⦁ Muheza DC – Luiza Osmin Mlelwa
⦁ Handeni Mji – Keneth K. Haule
⦁ Handeni DC – William Methew Mafukwe
⦁ Pangani DC – Sabas Damian Chambasi
⦁ Mkinga DC – Mkumbo Emmanuel Barnabas
⦁ Bumbuli DC – Peter Isaiah Nyalali
⦁ Kilindi DC – Clemence Andagile Mwakasenda
⦁ Lushoto DC – Kazimbaya Makwega Adeladius
Wakurugenzi wote walioteuliwa wametakiwa kufika Ikulu Jijini Dar es salaam siku ya Jumanne July 12 2016 saa tatu asubuhi kwa ajili ya kula kiapo cha ahadi ya uadilifu kwa viongozi wa umma
www.ngarakwetu.blogspot.com

July 6, 2016

Lionel Messi ahukumiwa kufungwa jela

Mchezaji nyota wa Argentina na Barcelona Lionel Messi amehukumiwa kifungo cha miezi 21 jela baada ya kupatikana na makosa ya kutumia ulaghai wakati wa ulipaji ushuru, vyombo vya habari nchini Uhispania vinaripoti.
Babake, Jorge Messi, pia amehukumiwa kufungwa jela kwa kuilaghai Uhispania €4.1m (£3.2m; $4.6m) kati ya 2007 na 2009.
Wakati wa kesi, waendesha mashtaka walisema maeneo salama yenye kinga dhidi ya ushuru Belize na Uruguay yaliyumiwa kuficha mapato kutokana na uuzaji wa haki za picha za mchezaji huyo.
Lakini Messi amesema hakufahamu lolote kuhusu masuala yake ya kifedha.
Wawili hao hata hivyo hawatarajiwi kufungwa jela.
Chini ya mfumo wa haki nchini Uhispania, mtu anaweza kutumikia kifungo chochote kilicho chini ya miaka miwili nje ya gereza.
Messi na babake pia wanaweza kukata rufaa katika Mahakama ya Juu nchini humo.
SOURCW:www.bbcswahili.com
www.ngarakwetu.blogspot.com

www.ngarakwetu.blogspot.com inakutakia Eid al Fitr njema

Waislamu kote duniani wanaadhimisha sikukuu ya Eid al Fitr kutamatisha mfungo wa mwezi Mtukufu wa Ramadhan.
Leo ni mapumziko katika mataifa mbalimbali duniani hasa yale ya Kiislamu kama Saudi Arabia .
Nchini Iraq, raia wa nchi hiyo bado wanaendelea kuomboleza baada ya shambulizi la bomu kusababisha vifo vya zaidi ya watu 200 mjini Bagdad.
Ripoti zinasema kuwa idadi ya vifo imeongeza na kufikia 250 kufikia siku ya Jumatano.
Nchini Saudi Arabia, maelfu ya mahujaji wapo katika miji mitakatifu ya Mecca na Medina kuadhimisha siku ya kwanza ya Eid al Fitr.
Wiki hii watu wanne walipoteza maisha mbele ya Msikiti wa Mtume Mohammed mjini Medina baada ya kujilipua, shambulizi ambalo lililaaniwa na viongozi wa Kiislamu nchini humo.
Mataifa mengine ambayo sherehe hizi zimepamba moto ni pamoja na Yemen, Indonesia na Ufilipino.
Hali ni vivyo hivyo barani Afrika, nchini Kenya hasa Pwani ya nchi hiyo usalama umeimarishwa kuhakikisha kuwa Waislamu na watalii wengine wanakuwa salama.
Nchini Tanzania mamia ya waumini walijitokeza katika viwanja vya Mnazi Mmoja jijini Dar es salaam kuadhimisha siku hii.
Viongozi wa dini hiyo hutumia siku hii kuhubiri amani na kulaani ugaidi.
Siku hii Familia zinashereherekea pamoja kwa kula pamoja na kuwatembelea watu wasiojiweza.
Waislam wakiadhimisha Eid
Juventus Juvenary.
Binafsi, Juventus Juvenary kwaniaba ya wadau wote wa ngarakwetu bogu tunawatakiwa Eid Mubarak. Tusherehekee kwa amani na upendo.
www.ngarakwetu.blogspot.com

July 5, 2016

Kenyatta: Karne hii hauwezi kujitenga Israel

Waziri mkuu wa Israel, Benjamin Netanyahu (Kushoto) akiwa na Rais wa Kenya, Uhuru Kenyatta
SOURCE:RFI KISWAHILI
Viongozi wa Kenya na Israel wametiliana saini mikataba kadhaa ya ushirikiano, huku suala la kubadilishana taarifa za kiintelijensia kuhusu watuhumiwa wa Ugaidi, likiwa sehemu ya makubaliano hayo.
Akiwa nchini Kenya, waziri mkuu wa Israel, Benjamin Netanyahu, amesema kuwa, ziara yake inalenga kurejesha uhusiano wa nchi yake na mataifa ya Afrika, uhusiano ambao kwa miongo kadhaa sasa umekuwa shakani.
Nchi nyingi za Afrika na hasa kupitia waasisi waliopigania uhuru wa mataifa yao, walisitisha uhusiano na taifa la Israel, kutokana na uvamizi wake kwenye eneo la ardhi ya Wapalestina, mzozo ambao umeendelea kushuhudiwa hadi leo.
Akijibu maswali ya waandishi wa habari, kuhusu ushirikiano wa nchi ya Kenya na Israel, Rais wa Kenya, Uhuru Kenyatta, amesema kuwa, kutokana na ukweli kuwa dunia ni kijiji kimoja, na kwamba mataifa mengi duniani yamerejesha uhusiano wao na Israel, nchi ya Kenya haiwezi kujitenga na ukweli huo.
Rais Kenyatta, anasema kuwa, suala la Israel kukubalika kwenye umoja wa Afrika, ni jambo la kihistoria, na kwamba anaamini siku moja litapatiwa ufumbuzi, na nchi nyingi zaidi kurejesha uhusiano na Israel.
Kenyatta anasema kuwa adui anayeisumbua Israel ndiye adui ambaye anasumbua dunia kwa sasa na hasa nchi za Afrika, hususani nchi ya Kenya ambayo imeendelea kukabiliana kwa nguvu zote na magaidi.
Viongozi wote wawili, wamekubaliana kukaza kamba kuhusu ushirikiano wao wa masuala ya usalama, na kwamba masuala ya kihistoria, hayawezi kuwatenga tena, wakati huu dunia ikiwa na malengo yanayofanana.
Waziri Mkuu Netanyahu, amesema kuwa nchi yake haina kitu kikubwa cha kujivunia, haina silaha nzitonzito wala zana za maangamizi, lakini Mungu amewajalia akili na moyo vitu ambavyo ndio vinalifanya taifa hilo kuwa miongoni mwa mataifa makubwa na yenye nguvu 
www.ngarakwetu.blogspot.com
www.ngarakwetu.blogspot.com

PICHA ZA AJALI YA CITY BOY


Mabaki ya Bus la City Boy
WATU 30 wamefariki dunia baada ya mabasi mawili mali ya Kampuni ya City Boys, kugongana jana asubuhi katika kijiji cha Maweni Tarafa ya Kintinku wilaya ya Manyoni mkoani Singida.
Kamanda wa Polisi Mkoa wa Singida, Thobias Sedoyeka alisema kuwa ajali hiyo ilihusisha mabasi aina ya Scania lenye namba za usajili T531 BCE likitoka Dar es Salaam kwenda Kahama na lingine lenye namba za usajili T247 DCD likitoka Kahama kwenda Dar es Salaam, ambayo yaligongana uso kwa uso. Kwa mujibu wa Kamanda Sedoyeka, waliokufa miongoni mwao ni wanaume 18, wanawake 11 na mtoto mmoja wa kiume.
“Chanzo cha ajali hii kwa mujibu wa majeruhi ni kwamba madereva hao kwa kuwa ni wa mabasi ya aina moja walipokutana hapo wakawa wanachezeana kwa staili ile ya kufanya madoido barabarani hivyo yule aliyekuwa anatoka Dar es Salaam gari likamshinda na kwenda kumgonga mwenzake,” alieleza Kamanda Sedoyeka.
Akizungumza kwa simu na gazeti hili, Kamanda Sedoyeka alisema licha ya maelezo hayo ya mashuhuda na majeruhi, wanafanya uchunguzi wa kitaalamu kufahamu kama chanzo ni hitilafu au uzembe kama huo unaosemwa kwamba madereva hao walikuwa wakitaniana na kucheza barabarani.
Aidha, alisema pia haijakuwa wazi kama miongoni mwa waliokufa wamo madereva hao, ingawa taarifa za awali zinadai dereva mmoja amefariki na mwingine ni majeruhi. Kamanda Sedoyeka aliliambia gazeti hili saa 2 usiku jana kuwa maiti watatu wa ajali hiyo wapo Hospitali ya Wilaya ya Manyoni pamoja na majeruhi 48.
Alisema maiti wengine 27 wapo Hospitali ya Mkoa wa Dodoma.
Ajali hiyo imetokea takribani siku nne baada ya watu 11 kufa papo hapo na wengine 44 kujeruhiwa katika ajali mbili tofauti zilizotokea sehemu moja, zikihusisha basi la abiria, lililoparamia malori mawili ya mizigo yaliyogongana uso kwa uso na kuungua moto eneo la Dakawa – Veta wilayani Kilosa, Morogoro.
Rais atuma salamu Rais John Magufuli ametuma salamu za rambirambi kwa familia za watu 29 waliopoteza maisha katika ajali ya barabarani, iliyosababishwa na mabasi hayo mawili ya Kampuni moja ya City Boys.
Ametuma salamu zake kwa familia zilizopatwa na msiba huo kupitia kwa Mkuu wa Mkoa wa Singida, Mathew Mtigumwe na kuelezea masikitiko yake juu ya kutokea kwa ajali hiyo mbaya iliyosababisha watu wengi kufariki dunia.
“Nimepokea kwa mshituko mkubwa taarifa za ajali hii ambayo imesababisha vifo vya idadi kubwa ya Watanzania, kwa hakika nimesikitishwa sana sana na napenda kuungana na familia, ndugu, jamaa na marafiki wa marehemu katika kipindi hiki kigumu cha majonzi. “Namuomba Mwenyezi Mungu awape uvumilivu na ustahimilivu wanafamilia wote waliopoteza jamaa zao na sote tuwaombee marehemu wote wapumzishwe mahali pema peponi, amina,” alieleza Rais Magufuli.
Aidha, Rais Magufuli amewaombea majeruhi wote wa ajali hiyo, ambao wanapatiwa matibabu hospitali wapate nafuu na kisha kupona haraka ili warejee majumbani kwao kuungana na familia zao katika shughuli za kila siku.
                                                                                      PICHA ZA AJALI

Miili ya Marehemu


KUTOKANA NA HALI HIYO,RAIS WA JAMHURI YA MUUNGANO WA TANZANIA DKT.JOHN POMBE MAGUFULI AMETUMA SALAAM ZA RAMBI RAMBI.


www.ngarakwetu.blogspot.com

July 4, 2016

Kagame ataka ushirikiano kibiashara na Tanzania

Rais wa Rwanda, Paul Kagame, yuko ziarani Tanzania ambapo amefungua rasmi maonyesho ya kimataifa ya Saba Saba Dar es Salaam. Ametaka pawe na ushirikiano thabiti wa kibiashara kati ya Tanzania na Rwanda.
www.ngarakwetu.blogspot.com